kuch log mere mauhale ke
khud ko modren batate hain
ladki ko GF banaane mein shaan
par ladki ko dost banane mein katraate hain
Bike ke peeche baithe to itraate hain
Hang out karne ke liye use unfit bataate hain
chuddy buddies mein nahi hoti kabhi ginti uski
Achhi dost ka label laga ke use behlaate hain
Ladki ro de to sab ladkiyon ki aadat hai
hase to insenstitive bataate hain
Ladki mazaak na sahe to rondu hai
Mazaak ka jawab de to loud bataate hain
sundar ho to kehte hain dimaag se paidal hai
Chashme wali ko padhaaku bataate hain
Surat aur seerat mein jo ho bemisaal
uske aastitav ko jhuthlaate hain
Jab aaye na handle karna modern ladki ko
to uske character ko fast bataate hain
GF to chahiye raajdhaani jaisi
bailgaadi se shaadi rachaate hain
Ladka rishta tode to 'dump kar diya'
Ladki tode to character pe ungli uthaate hain...
Aadmi khamaye aur biwi khaye to pasand
Biwi kamaaye to ladke ko nakaara thehraate hain
Jalte hain kya pati ki kismat se
Ya ladkiyon ki tarakki se ghabraate hain
kehte hain apni betiyon ko beton ke barabar rakha
to phir kyun use hamesha parayi bataate hain...
Sasuraal ja ke bhi use kabhi ghar na mila
wahan bhi bahar se aayi jataate hain
Koi ladkiyon ko defend kare to feminist hai
Aur phir hypocracy ki height dekho
Khud ko unbiased bataate hain
