Is Diwali....

Is Diwali

Khushiyon se bhara mera pariwaar jagmaagaaye

Mere ghar ki chhat pe dhero diye jagmagaaye 

Jagmaaye wo mere shehar ki galiyaan

roshni se nahaayi amavas ki raat jagmagaaye

Is Diwali

Jo bichad gaye wo ban ke taare timtimaaye

Jo saath hain wo meri mehfil ko mehkaayein

Har taraf chamke hasi ki phuljhariyaan

Mere yaar jagmaayein unka sansaar jagmagaaye

Is Diwali

Dil se aaj bas ek hi duyaa gungunaaye

sab ki zindagi mein khushiyaan bhar jaayein

parvaton pe girti shabnam sa nirmal ho sabka mann

Har ek ki peshaani kismaton se jagmagaaye